Ben Madilynn
Girakrakan ang hepe sa barangay tanod sa Candulawan, Dakbayan sa Talisay sa wala mailhing armadong tawo sa atubangan sa barangay, alas 9:40 sa gabii, Huwebes, Septiyember 12, 2024, apan kini naangol lang.
Si Fidel Torion, 42, igo lang nakaangkon og samad pinusilan sa ulo ug kalawasan apan wala makabsi sa kinabuhi bisan sa pagrakrak.
Ang suspek sa pagpangrakrak giila nga si Jeron Monterde alyas Tiyan, taga Sitio Iba, Brgy. Lagtang, Dakbayan sa Talisay.
Ang biktima nibutyag sa kapulisan nga nagbarog siya atubangan sa barangay hall dihang kalit nga naabot ang suspek sakay sa motorsiklo ug walay daghang pangutana, gipa-uwanan siya og bala sa armas niini.
Human sa pagpamusil daling nisibat ang suspek ug ang biktima gidali sa pagdala sa South General Hospital.
Nasayran nga ang biktima gi-ambusan sab ni Tiyan niadtong Agusto 10, 2024, alas 6:00 sa buntag, sa Brgy. Candulawan apan wala siya madutli kay ang bala giingong niuntol ra sa iyang lawas.
Ang suspek mibahad ni nga patyon silang mga barangay tanod ug usa ka konsehal human namatay ang igsuon niini nga si Virgilio Monterde.
Si Virgilio gipusil-patay sa barangay tanod sa Candulawan tungod sa atraso. Apan mipasangil nsi Tiyan nga apil ang tanang tanod sa pagpatay kang Virgilio hinungdan sa pagpanimalos niini. / GPL
