Ben Madilynn
Opisyalen a nagleppas ti panawen iti Southwest Monsoon wenno Habagat.
Pinasingkedan daitoy iti PAGASA idi Lunes.
Segun iti ahensya, dagiti napalabas a datos da ket mangipakpakita iti agtultuloy a panagkapsot ti Southwest Monsoon kadagiti napalpalabas nga aldaw.
Kabayatanna, napaliiw met iti panagpigsa iti high-pressure system idiay Makin-daya nga Asya nga isu’t makagapo iti panagbalbaliw ti weather patterns iti pagilian.
Maipalagip nga inyanunsyo ti state weather bureau ti opisyal a panagrugi ti panagtutudo idi bulan ti Mayo.
Segun pay iti state meteorologists, ti Pilipinas ket sumarungkaren iti Northeast Monsoon wenno Amihan season, ken mabalin a maideklaran dagiti sumarsarunno nga aldaw.
Apaman mangrugin iti Amihan, mangdominaren ti northeasterly wind flow ditoy pagilian ken mangiyeg iti nalamlam-ek a paniempo kadagiti nabatbati a bulan iti tawen.
