Gobyerno ti pagilian, naiget ti panagtrabahoda a maburak dagiti 23 a private armies sakbay ti 2025 midterm elections
abyasa
LAOAG CITY – Naiget ti panangtrabaho ti gobierno ti pagilian tapnu buraken ti 23 a private armies sakbay ti 2025 midterm elections.
Segun ken ni Presidential Peace Adviser Carlito Galvez Jr. nga kaaduan kadagita a grupo dagiti private armies ket adda idiay Mindanao.
Mainaig iti daytoy, kinunana nga ipamaysa ti gobierno dagiti lugar iti Bangsamoro Autonomous in Muslim Mindanao.
Inbatad ni Galvez, personal a makisarsarita ni Presidente Ferdinand Marcos Jr. iti militarken kapulisan manipud idi napan a tawen tapnu masigurado ti nasayaat ken nadayaw nga eleksion inton Mayo 2025.
Iti agdama, agdagup iti 16 private armies ti nawarawara babaen ti gobierno ken 100 a paltog ti narekobre iti sidong ni Marcos Jr. administration.
gapu iti daytoy, agtalek dagiti otoridad nga manayunan ti bilangna daytoy inton sumaruno a bulan babaen iti tulong ti Armed Forces of the Philippines ken Philippine National Police.
Kabayatanna, daytoy nga addang ti ahensia ket iti tengnga ti sumagmamano a mapaspsamak nga insidente ti kinaranggas kadagiti nabiit pay nga eleksion nangruna kadagiti away no sadinno sumagmamano a kandidato ti nangtangdan kadagiti private armies tapnu ma-nutralisa dagiti karibalda iti politika wenno agbuteng dagiti botante.
