Georgia ken Pennsylvania, kangrunaan nga estado ti Amerika a mangdeterminar ti mangabak iti US election
abyasa
LAOAG CITY – Inpakaammo ni Bombo International News Correspondent Henry Afaga manipud idiay Estados Unidos a ti Georgia ken Pennsylvania dagiti kangrunaan nga estado ti Amerika ti mangdeterminar ti mangabak iti United States Election.
Segun kenkuana, daytoy ket kalpasan nga addaan ti 19 ken 16 nga electoral vote dagiti nasao nge estado.
Inbatadna a kalikagumna a naig-iget pay ti panangkita ti illegal immigration no sadinno a maapektaran ti trabaho dagiti padana nga immigrants banag a saan a patas para kadakuada.
Inlawlawagna a masapol a trataren ti agballigi a Presidente ti Estados Unidos ti kinaawan ti pagnaedan dagiti sumagmamano nga indibidual iti New York ken California.
Innayonna a basar iti obserbasionna ket nagbalin a triple ti naipaay a seguridad iti naiyuswat nga umuna a Presidential Debate iti nagbaetan da dati nga United States President Donald Trump ken United States Vice President Kamala Harris para iti United States Election gapu iti napasamak a pannakapaltog ni Trump iti kallabes.
