Ben Madilynn
Mitagana og P472,000 ang kagamhanan sa Dakbayan sa alang sa ipahigayon nga Cebu Marathon nga gisalmutan sa 12,000 ka runners.
Ang maong kantidad maoy kuhaan alang sa cash prizes ug talent fees alang sa drum and bugle corps.
Sa sayo pa, mikuwestiyon si Konsehal Jocelyn Pesquera atol sa pagtuki niini niadtong regular session, ug nganong motagana pa ang siyudad og pundo alang sa maong kalihokan nga ang organizer gibanabana nga makakolekta og P17 milyunes gikan sa mga partisipante.
Si Konsehal Joel Garganera, nangamahan sa resolusyon nagkanayon nga bisan wa makaabot sa tunga sa milyon ang gipangayo nga pundo gikuwestiyon pa ang paghatag niini.
“It’s really a pity, we only give this much, it’s even less than a half a million, and to think there are 285 foreigners who will be coming here representing 43 countries. That in itself, where can you find an event initiated by the city, or co-sponsored by the city where you can attract participants from different countries,” matod pa ni Garganera.
Dugang pa niya nga ang giaprobahan nga budget gamay ra alang sa pagpahigayon og usa ka international nga kalihokan.
“Para nako ba, gamay ra kaayo to oy, mufinance man gani ta og million kapin sa barangay, I mean I’m not trying to belittle it, I mean ok mana siya. But this one, this puts the city on the running map of the international running community. It’s really a pity ba, I mean ilaha sad na,” sigun pa sa konsehal atol sa interview sa SunStar Cebu, niadtong Sabado, Enero 11. / JPS
