Ben Madilynn
Gi-turnover sa 156 signatories sa Sta. Ana Homeowners Association sa ilang kampanya sa pag-awhag sa Cebu City Government sa paghimo og dinaliang aksiyon sa baho gikan sa sanitary landfill sa Barangay Binaliw.
Si Bebing Leogan, presidente sa asosasyon, nagkanayon atol sa iyang pakigpulong nga dili sila supak sa pagbutang og sanitary landfill sa ilang dapit apan kinahanglan sulbaron ang baho gikan niini.
Matod niya, ang importante kanila na maaksiyonan dayon alang sa ilang panglawas.
Si Cebu City Acting Mayor Raymond Alvin Garcia, nibisita sa dapit sa Lunes, Septiyebre 2, 2024, uban sa mga opisyal sa dakbayan ug nakigsulti sa mga residente.
Si Garcia nisaad nga mohimo dayon og aksiyon ug nimando sa City Environment and Natural Resources Office (Cenro) head Reymarr Hijara sa paghimo sa imbestigasyon sud sa tulo ka adlaw.
Matod ni Garcia, si Hijara maoy authorized sa pagsusi sa operasyon sa landfill. / JPS
