Gamit sa paghimo og armas gi-surrender

Human niadtong gilusad nga clearing operation sa Police Regional Office (PRO)7 sa Barangay Dungga, Danao City, Cebu niadtong Huwebes, Mayo 22, 2025 nasakmit ang mga gamit sa pagghimo og paltik nga armas.

Kini sa tinguha nga mapuhag ang mga illegal nga gun manufacturing sa maong dakbayan

Subay niini niawhag si Police Brigadier General Redrico Maranan, hepe sa kapulisan sa Central Visayas ngadto sa mga barangay officials sa maong siyudad nga makig alayon sa mga police aron mapuhag ang nagpadayon nga problema sa production sa loose firearms.

Nibahad ang heneral nga kon adunay mga kapitan nga dili motuman ila kining ipadangat ngadto sa Department of Interior and Local Government aron mosang-at og pormal nga reklamo alang sa kasong kriminal ug administratiba.

Human sa maong panawagan ang mga barangay opisyal sa Dungga mi-surrender sa mga nagkadaiyang gamit sa paghimo og armas nga gipamiyaan sa ilang lugar ug gidala ngadto ngadto sa kapulisan sa Danao.

GAMIT SA PAGHIMO

Ang mga gipang-surrender naglangkob; 1 bench vise, 30 welding rods, 2 grinders ug usa ka sako nga assorted tools.

Tungod niini gihangop ni Maranan ang maong mga barangay officials nga aktibong nakig-alayon sa kapulisan alang sa seguridad sa publiko.

“This is the kind of community partnership we are calling for—when our people recognize the danger posed by loose firearms and become part of the solution. We cannot win this fight alone. The help of our barangay leaders is vital in uprooting these threats from the ground,” matod ni Maranan.

Aron nga hingpit nga mawagtang na ang mga illegal nga paghimo og armas sa Danao City mipahibawo si Maranan nga molusad sila og house to house visitation sa mga identified area nga adunay mga nailhan nga manghimo og armas. / AYB