Fernandez mopahigayon og golf for a cause

Ang basketball legend ug sports patron nga si Ramon Fernandez uban sa mga amateur golfers, mga celebrities, ug sports personalities magtapok sa golf for a cause—2nd El Presidente Cup: The Ramon Fernandez Charity Golf Tournament karong Hunyo 13, 2025, sa Manila Southwoods Golf & Country Club.

Si David Charles Serdenia, usa ka 16-anyos nga golfer, mao ang makadawat sa benepisyo sa charity golf tournament aron masuportahan siya sa tulo ka umaabot nga tournaments sa Hulyo sa nagkalain-laing lugar sa US.

Si Serdenia moduwa sa tulo ka major golf tournaments sa US – ang FCG International sa Pala Mesa, ang USWING Tournament sa San Diego, ug ang FCG Championships sa Palm Desert.

“It so happened that last year, we were in the States. This golfer, his name is David Charles Serdenia, a 16-year-old golfer. He flew to California to play in the world juniors. It just so happened that a friend of my learned that he’ll be in LA. So he picked him up at the airport, knowing that this kid was called the ‘Commute Boy’. He’s the son of a caddy from the Philippine Navy Golf Club. He would ride public transportation, a bus to Batangas. Then he would ride a tricycle to the golf course. He won a lot of championships,” matod ni Fernandez sa press conference kagahapon.

Dugang niya nga ilang gisaad nga magtorneyo sila para kang Serdenia.

Sigon ni Fernandez nga plano niya hatagan og P10,000 kada buwan gikan sa Ramon S. Fernandez Sports and Youth Development Foundation ang maong golfer. Per okay tungod mobiyahe man kini ngadto sa America iyang i-advance ang hatag tibuok tuig.

Gawas sa monetary allowance, makadawat usab si Serdenia og Ping golf set ug luggage gikan sa Innovator.

“He’s our beneficiary so we’re able to arrange a few other benefits for him, basically,” ni Karla Kintanar-Fernandez, asawa ni Ramon Fernandez. “We were able to arrange with the owner herself of Ping in Arizona.”

Si Serdenia maghimo sa ceremonial tee-off sa charity tournament kauban si Fernandez ug si Philippine Sports Commission Chairman Dickie Bachmann.

Moapil sa torneyo ang 144 ka golfers nga naglakip sa mga celebrities ug sports personalities sama nila Dingdong Avanzado, Ronnie Henares, Richard Yap, Jong Cuenco, Michael V, Boboy Garrovillo, Chad Borja, Alex Santos, Anthony Suntay, Atoy Co, Tonichi Yturri, ug Dante Silverio. Apil usab sa event si Senator Bong Go.

Ang tournament ipahigayon uban sa mga performance sa mga OPM artists nga Side A, Ella May Saison, ug Chad Borja.

Dunay mga premyo nga ipanghatag, sama sa Mitsubishi Mirage, Jetour Ice Cream Electric car, PHP 100,000 nga cash, ug usa ka four-day luxury accommodation sa Marriott International’s Renaissance Nusa Dua Resort sa Bali, Indonesia.

Apil usab sa mga raffle prizes ang CFMoto 150 SC motorcycle, Manila-San Francisco-Manila Philippine Airline tickets, high-end gadgets, luxury watches, golf gear, hotel stays, ug exclusive El Presidente memorabilia. / RSC gikan kang EKA