EU, nagkari a mangipaay ti sumagmamano a bilyon a dolyar kas tulong iti Central Europe gapu iti Bagyo Boris
abyasa
LAOAG CITY – Nagkari ti European Union a mangipaayda ti sumagmamano a bilyon a dolyar kas tulong iti Central Europe kalpasan a nakapasar ti nakaro a layos.
Segun ken ni European Commission President Ursula von der Leyen a ti pundo para iti pannakatarimaan dagiti nadadael ket dagus a maala manipud iti solidarity fund ti European Union.
Inbatadna a karaman ti $11 bilyon a maaw-awagan a cohesion fund para iti dagus a pannakapasayaatna.
Kunana a saanda nga awaten dagiti kontribusion manipud iti individual bloc countries.
Naammoan a personal a binisita ni Von der Leyen dagiti lugar a nalayos iti southeaster Poland no sadinno a nakasaritana dagiti lider ti Poland, Austria, Czech Republic ken Slovakia.
Kabayatanna, ti Bagyo Boris ket nangitunda ti nakaro a panaglayos iti Romania ken Poland nga isu ti kakaroan a a napasaran a panaglayos iti uneg ti 20 a tawen.
