Ben Madilynn
Gibalhug sa bilanggoan ang drayber sa E-bike human gipasanginlan sa duha ka menor de edad niya nga pasahero nga matod pa gihinol ang ilang pribadong bahin sa lawas.
Ang maong insedente nahitabo niadtong alas 8:00 sa gabii, Miyerkules sa White road, Barangay Inayawan, Dakbayan sa Sugbo.
Ang 14 anyos nga biktima nga taga Inayawan ang mipasangil sa suspek sa gi-alyasan og Boy E-bike, 44.
Saysay sa biktima kuyog sa laing batan-on ngadto sa mga tigbalita nga namalit sila og ice cream sa usa ka convenience store nga nagbaktas ug naagian sa suspek.
Gipangutana ang mga biktima og asa sila padung ug gitanyagan sa pagpasakay sa iyang unit sa E-bike pero namalibad kay kuwang ang ilang kuwarta nga iplete. Apan bisan pa man, gipasakay sila sa suspek.
Sa dihang nakasakay na ang mga biktima, nahibulong sila kay kalit mitipas og rota ang drayber ug naabot na sila sa awaaw nga lugar sa White road.
Gibate og kahadlok ang mga bikitima ilabi na nga kusog ang pagpadaan sa E-Bike hinungdan nga wa sila makalayat aron nga moeskapo.
Sa dihang nakig-estorya ang suspek ngadto sa mga bata kalit lang kini nga nanguot.
NANGUOT?
“Gisulod niya iyang kamot nahibulong ko gilok man ako dughan. Ako siyang giingan na; Ya magbinastos man ka.
“Ana siya nga sakye lang ko, gipislit niya nipple ba akong giwakli,” dugang sa 14 anyos.
Ang suspek mibalhin paghikap ngadto sa ikaduhang biktima ug gisuwayan og hubo ang short pants. Nakahigayon sila sa pagpangambak ug nanagan apan migukod ang suspek nga nagdala og tubo ug kutsilyo. Nakapangayo sila og panabang human nisulod sa usa ka panimalay. Samtang ang tagbalay gikalalis pa sa suspek ug nasuko pinaagi sa pagpatid sa pultahan kay wa pasudla diin nanago ang mga biktima. Pasangil sa E-Bike driver nga wa moplite ang mga batan-on. Gitambagan ang mga biktima nga i-report sa barangay ug naatol nga milabay ang suspek sa responding tanod hinungdan nga nadakpan.
NANGATARUNGAN
Ang suspek nga nahinabi sa Superbalita Cebu mihimakak sa maong pasangil.
Gani iyang tambag sa pagsusi sa CCTV camera sa area aron mapamatud-an nga wa siya magbinastos. Sumala pa, ang mga reklamante iyang gipasakay kay layo ilang gilakaw unya ngit-ngit ang dapit.
Matod pa napungot siya kay walay klarong direksyon ang mga lakaw niini.
Gihagad sab siyag tagay hinungdan nga naabot sila sa lugar kay nangitag tindahan makapalit og kulafu apan energy drink ra iyang ikatampo sanglit wala pa siya’y kita sa pamasahero. Sa pag-abot sa tindahan siya naman hinuon ang papaliton tanan. Gipasabot niini nga kon tinuoray pang nagbinastos siya
“Naguol ko sa sala nga wala nako mabuhat. Napriso wala koy nabuhat naa sab baya koy lima ka anak, bisan wala koy sala gipapirma ko sa barangay nga dili na mo usab.
“Nangayo pa gyud kog pasaylo nila sa wala nako nabuhat. Wala ko patingoga kay lagi menor ang mi-akusar,” sigon pa sa suspek. / GPL
