DSWD food packs, naawaten iti siam a barangay idiay Narvacan a naapektaran iti Bagyo Julian
Mario Bautista
Siam manipod sangapulo ket maysa a barangay iti ili ti Narvacan iti naipaayanen ti food packs manipod Department of Social Welfare and Development (DSWD) kalpasan a naapektaranda iti napalabas a Bagyo Julian.
Iti pannaki-uman ti Bombo Radyo Vigan Pauline Cabunoc a Municipal Social Welfare and Development Officer iti ili ti Narvacan, ti kaudian a naikkanda iti food packs ket 235 affected families iti maysa a Sitio idiay Barangay Nanguneg.
Segun ken ni Cabunoc, dagiti naikkan ket dagiti nastranded idi bagyo gapu iti panagpangato ti danum iti karayan ket saanda nga insigida a nakadalyasat a mapan aggatang kadagiti kasapulanda.
Kabayatanna, dua laengen a barangay iti saanda a naikkan ta manarimaan iti panangurayda iti suplay nga aggapu iti ahensya ngem manamnama a sumangpet inton sumaruno a lawas.
VIDEO – MSWD OFFICER PAULINE CABUNOC
