Driver iti nauram nga school bus sadiay Thailand a nakatayan dagiti estudiante, napilaan iti kaso
Ben Madilynn
BANGKOK, THAILAND – Manarimaan paylaeng ti imbestigasion dagiti otoridad iti pannakauram ti masya nga school bus a nangitunda iti ipupusay ti dua pulo ket lima nga estudiante ken manursuro sadiay Bangkok, Thailand.
Napasamak ti insidente bayat ti field trip dagiti ubbing ken dadduma pay a manursuro.
Nabigbig metten dagiti bagi ti dua pulo ket tallo a pimmusay babaen iti opisial iti forensic science commissioner sadiay.
Iti agdama, agpatpattaming iti balay pagagasan dagiti sangapulo ket innem nga estudiante ken tallo a manursuro a naispal iti nasao nga insidente.
Sigun iti acting police chief a ni Kittirat Phanphet, dagus nagramaram ti uram ken posible a nagrugi daytoy iti spark manipud iti goma a nangsidi kadagiti gas cylinder a mangpaandar iti nasao nga school bus.
Kabayatanna, napilaan iti kaso a reckless driving ti driver kalpasan a nagsurrender kadagiti otoridad.
Sigun iti nasao a driver a ni Saman Chanput, immikkat tapno alaenna ti fire extinguisher manipud iti sabali a lugan ngem timmaray gaputa nagpanic kalpasan iti dagus a panagramaram ti apoy
