Mario Bautista
Naipaagas ti ospital ti maysa a drayber ti motorsiklo a naaksidente idiay Barangay Paratong, Vigan City, Ilocos Sur.
Nabigbig ti drayber ti Motoposh motorcycle a ni Edmund Abundo Acosta, agtawen iti uppat a pulo ket pito, construction worker, taga-Barangay Pantay Fatima, Vigan City, awan ti helmet ken driver’s license na idi mapasamak ti insidente ken mapapati a nakainom.
Agpapa-abagatan ti motorsiklo idin ta idi makadanon iti nakapasamakan ti insidente, saan a nakontrol ti drayber ti manibela ti luganna ket naidarusdos iti kalsada.
Gapu dayta, nadunor ti drayber a naipaagas iti Ilocos Sur Provincial Hospital-Gabriela Silang, Vigan City para iti naan-anay a pannakatamingna.
