Mario Bautista
Nadismaya ti Department of Labor and Employment iti nababa a resulta dagiti Philippine Offshore Gaming Operators worker a napan iti inwayatda a job fair para kadakuada.
Segun ken ni Labor Secretary Bienvenido Laguesma, iti nasurok kumurang sangaribo a nagparehistro iti online job fair, awan pay kagudwa kadakuada ti napan.
Innayonna nga ad-adu dagiti nag-walk in a saan a naggapu iti POGO wenno Internet Gaming Licenses isu a plano ti DOLE a mangiwayat manen iti job fair para kadakuada iti sumaruno a bulan.
Iti daytoy a gundaway, makikamkammayet ti DOLE kadagiti POGO companies tapno ikkan gundaway dagiti empleado a mapan kadagiti job fair.
