Dati a PNP chief Acorda, nagsaritan kalpasan a rimmuar dagiti ladawanna a kaduana dagiti nainaig iti ilegal a POGO
Mario Bautista
Impatangken ni dati a Philippine National Police (PNP) Chief Police General Benjamin Acorda nga inaramidna laeng nu ania iti pagsayaatan iti pagilian.
Ti panagsaritana ket kalpasan a rimmuar ti hearing idiay Senado dagiti ladawanna kaduana dagiti tattao a mainanaig iti Philippine Offshore Gaming Operators wenno POGO.
Maipalagip nga idi termino ni Acorda ket pinainget iti PNP iti operasyonda kontra ti illegal POGO a mapapati nga adda kainaigan iti qualified human trafficking ken dadduma pay a criminal activities iti pagilian.
Segun ti retired general, inaramidna laeng idi nu ania dagiti masapul nga akemanda kas Police officer.
Immunan nga imbilin ni PNP Chief Police General Rommel Marbil Francisco Marbil iti Criminal Investigation and Detection Group (CIDG) nga amwen nu siasino dagiti duapulo ket uppat a sibibiag a PNP Chief iti mapapati nga adda iti payroll ni dismissed Bamban, Tarlac Mayor Alice Guo.
