Ben Madilynn
GITUDLO ni Presidente Ferdinand “Bongbong” Marcos Jr. si kanhi Pag-Ibig Fund Chief Executive Officer (CEO) Darlene Marie Berberabe isip bag-ong solicitor general.
Kini ang gikumpirmar ni outgoing solicitor general Menardo Guevarra niadtong Huwebes, Mayo 29, 2025.
“I am happy for Darlene Berberabe. As a top-caliber lawyer with an impressive management background. She will surely do well as Solicitor General,” ingon ni Guevarra.
Matod ni Guevarra nga mobalik siya sa pribadong kinabuhi.
Si Berberabe ang kasamtangang dean sa University of the Philippines (UP) College of Law.
Usa siya ka summa cum laude graduate sa Philosophy gikan sa UP ug class valedictorian sa College of Social Sciences and Philosophy niadtong 1989.
Si Berberabe nagsilbi isip associate lawyer sa Baker McKenzie Manila, Philippines nga adunay espesyalisasyon sa labor law ingon man sa Procter & Gamble Philippines diin siya usa ka senior counsel ug miyembro sa Leadership Team.
Si Guevarra nisang-at sa iyang courtesy resignation nunot sa panawagan ni Presidente Ferdinand “Bongbong” Marcos Jr. / TPM / SunStar Philippines
Source: Darlene Berberabe ginganlan isip bag-ong solicitor general
