abyasa
LAOAG CITY – Ibilang ni Mr. Rainier Alvarez, maysa a Film Producer a dakkel a balligi nga agbalin a maysa kadagiti mangbukel ti production team.
Segun kenkuana, napintas nga oportunidad a makabukel isuna kadagiti nagduduma a film ken movies no sadinno a dagiti bida kadagitoy ket dagiti nalalatak nga artista.
Inbatadna nga adda dagiti gundaway a kasapulanna ti mapan mismo kadagiti lugar a pakaiyuswatan dagiti sumagmamano a scene wenno scenario ti maaramid a film wenno movie.
Babaen iti daytoy, kunana a makasursuro pay isuna ti nagduduma a pammati ken kultura a mabalinna nga usaren ken iyaplikar iti aramidenna a film wenno movie.
Inlawlawagna a ti panangaramid ti film wenno movie ket masapol ti naimpapusoan tapno agbalin a napintas ti resulta daytoy nga isu ti birbiroken dagiti audience wenno agbuya.
Innayonna a ti panagballigi iti panagbiag ket adu pay laeng a pannubok ken rigat ti mapasaran ngem masapol nga agtalinaed a natibker ti pakinakem tapno saan a mapukaw ti gagar iti pananggun-od kadagiti arapaap iti biag.
