Cristopher Diwata, sineryoso ang kasikatan—pero may hangganan: “Wag lang sugal”

– Si Cristopher Diwata ay kasalukuyang naka-check in sa budget hotel sa Cubao at nagbabayad araw-araw

– Tinanggap niya ang higit 30 brand collaborations kabilang ang mga kilalang kumpanya tulad ng Shopee at Linya-Linya

– Aminado si Diwata na sinasagad niya ang pagkakataong ito para makapag-ipon para sa pamilya

– Sa kabila ng viral fame, nananatili siyang mapagkumbaba at masaya sa pagbabalik ng atensyon ng publiko

Habang siya ay nasa rurok ng kasikatan Cristopher Diwata ngayon sa social media, tahimik siyang naka-check in sa isang budget hotel sa Cubao para sa trabaho niya.

Isang linggo matapos muling sumabog ang kanyang pangalan online, ibinahagi ni Diwata na araw-araw siyang nagbabayad ng renta sa hotel habang sinusulit ang bawat araw ng kanyang muling pagbabalik sa eksena.

Sa ulat ni Pola del Monte ng SPOT.ph, isinalarawan ang kasalukuyang pamumuhay ni Diwata sa kabila ng sunod-sunod na endorsements. Nitong linggo lamang, nakatrabaho na niya ang OPM icons na sina Ben&Ben at SB19, at umabot na sa mahigit 30 brands ang kanyang nai-promote — mula sa apps at restaurants, hanggang sa wrinkle creams at fertilizers.

“Uubusin ko ang brands sa Manila,” ani Diwata habang tumatawa. “Basta wag sugal.”

Taong 2013 nang unang lumabas sa telebisyon si Diwata sa pamamagitan ng Kalokalike segment ng It’s Showtime kung saan ginaya niya si Taylor Lautner bilang Jacob Black mula sa Twilight. Hindi man perpekto ang Ingles, ang kanyang “Wha haffen Vella?” monologue ang siyang tumatak sa madla. Hindi rin niya ikinahiya ang pagkakamaling iyon.

“Never ako na-pikon,” aniya. “Hindi ba mas nakakatawa pa na yung mistake mo yung ikaka-sikat mo?”

Matapos ang maikling showbiz career noon, bumalik siya sa probinsya at namuhay bilang ordinaryong padre de pamilya sa Bataan. Muli siyang nagbalik sa fish dealing habang nagla-livestream ng horror content sa YouTube. Ngunit nitong 2024, bumalik ang spotlight sa kanya—at sa pagkakataong ito, mas matatag na siya.

Hindi siya tumatanggap ng manager sa ngayon. “Mas gusto ko na ako ang gumagawa ng diskarte,” ani Diwata. Ayon sa kanya, mas pinapahalagahan niya ang kita para sa pamilya kaysa sa pansamantalang fame. Ang kanyang kababaang-loob at bukas-palad na pagtanggap ng kahit anong offer ang dahilan kung bakit naging kaaya-aya siya sa masa at mga brand.

Ang kanyang kasikatan ay sinulit ng mga malalaking kumpanya tulad ng Shopee, na kumuha sa kanya para sa kanilang Payday Sale campaign. Ginamit nila ang iconic niyang monologue para mas makonekta sa masa. Ayon sa Shopee:

“His humor is accessible and distinctly Filipino… His signature line, ‘Wha haffen Vella,’ became a pop culture moment.”

Ang Linya-Linya naman ay naglabas ng shirt design na may linyang “I Know, Vamfire, Right?” na bahagi ng exclusive collab nila kay Diwata. Ayon sa kanilang Creative Director na si Ali Sangalang,

“At a time when social media can feel toxic, he was a breath of fresh air—genuine, funny, and kind.”

Ayon sa admin ng Kabulastugan, isang comedy page na may 500,000 followers, “Taos-puso niyang ginagawa ang mga content—kahit noon, kahit wala pang bayad.” Ito ang dahilan kung bakit siya minahal ng publiko.

Sa ngayon, wala pa ring malinaw kung hanggang kailan magtatagal ang kasikatan ni Diwata. Ngunit may malinaw siyang plano: mag-ipon habang may hype, at balang araw ay bumalik sa simpleng buhay na may sariling negosyo.

“Sana wag muna matapos, pero pag matapos eh di pwede na ako matulog,” aniya.

Si Cristopher Diwata ay dating Kalokalike contestant sa “It’s Showtime” na ginaya si Taylor Lautner. Nakilala siya sa viral na linyang “Wha haffen Vella?” at muling sumikat matapos ang higit isang dekada. Sa kabila ng pansamantalang pagkawala sa showbiz, nanatili siyang positibo at pursigidong bumangon muli.

Nagbigay-pansin na rin ang mismong si Taylor Lautner sa viral video ni Cristopher Diwata matapos itong mag-trending muli. Sa isang video, ipinakita kay Lautner ang performance ni Diwata at tila natuwa rin ang aktor. Lalong nagpasiklab ito sa popularity ni Diwata na ngayo’y isa sa pinakain-demand na content creators.

Sa dami ng endorsements at brand collaborations, nagbunga na rin ang sipag at tiyaga ni Cristopher. Nakabili na siya ng sariling sasakyan—isang patunay na maayos niyang nahahawakan ang biglaang tagumpay. Ayon sa kanya, hindi lang ito para sa kanya kundi para rin sa kanyang pamilya.