Ben Madilynn
Nakabsan sa iyang kinabuhi ang construction worker human makuryentihi samtang nagtrabaho sa gitukod nga tulo ka andana nga edipisyo.
Ang biktima giila nga si Junrey Villagonza, 31, minyo, taga Sityo Bankal Calubihan 2, Barangay Pajac, Lapu-Lapu City.
Base sa spot report nasuta nga si Villagonza nagtrabaho niadtong higayona sa tulo ka andana nga edipisyo sa Barangay Babag, Lapu-Lapu City.
Sa dihang naghapnig sa mga kabilya ang tumoy sa usa sa mga kabilya ang nasangit sa live wire sa kuryente hinungdan nga nakuryentihan.
Gisuwayan sa pagtabang ang maong construction worker sa mga mirespondi nga mga sakop sa City Disaster Risk Reduction Management Office (CDRRMO) apan gumikan sa kakusog sa boltahi sa kuryente nakamugna kini og grabe kadaot sa iyang internal organs. / DVG
