Comelec, nagpalagip kadagiti kakandidato kontra iti early campaigning kagiddan ti umuna nga aldaw ti COC filing
abyasa
LAOAG CITY – Nagpalagip ti Commission on Elections kadagiti kandidato a liklikan ti mangiyuswat ti nasapa a panagkampanya kagiddan ti umuna nga aldaw ti panagpila ti Certificate of Candidacy idi kalman, Oktubre 1.
Daytoy ket uray awan ti malabsing a linteg dagiti agpila ti kandidatura na gapu ta saan pay a maikonsiderar dagitoy kas opisyal a kandidato.
Segun ken ni Commission on Election spokesperson John Rex Laudiangco, maibilang laeng dagitoy kas kandidato iti kanito a mangrugin ti kampanya iti sumaruno a tawen.
Para iti national position, mangrugi ti campaign period intono Pebrero 11, 2025 idinto a ti local positions ket Marso 28, 2025.
Inbatad pay ti opisyal a naiget da nga ipatpatungpal ti decorum kadagiti venue ti Certificate of Candidacy filing iti amin nga opisina ti Commission on Election.
