Ben Madilynn
Inlawlawag ni Commission on Elections Chairperson Atty.George Erwin Garcia a nupay addaan ti opisinada iti “ministerial duty” nga akseptaren ti Certificate of Candidacy ni dismissed Bamban, Tarlac Mayor Alice Guo,mabalinda metlaeng daytoy nga idiskwalipikar kalpasan a maipila.
Sigun kenni Atty. Garcia, mabalinda nga idiskwalipikar ti kandidatura dagiti pulitiko a dinismisar ti Office of the Ombudsman wenno pinawilan daytoy nga sumrek iti government service.
Innayon ti poll body head nga immunan a nangiruar dagitoy iti resolusyon nu sadino, nakalanad a masapolda nga ikkaten dagiti agngayangay a perpetually disqualified nga agtugaw iti public office.
Kinunana a daytoy ket kas panangbigbig iti bileg ken pagrebbengan iti Ombudsman nu sadino, amin nga ipaiyulog daytoy a desisyon ket immediately executory ken final.
Maipalagip nga inkeddeng ti Ombudsman ti panakadismisar ti kontrobersyal a mayor idi laeng Agosto ken pinawilan daytoy nga agsubli iti government service.
Ni Guo let sumangsango iti nagduduma a kaso nga adda pakainaiganna iti iligal nga operasyon iti Philippine Offshore Gaming Operator hub idiay Bamban, Tarlac.
