Boatman, diving guide sa Bohol mingtahan

Human nga mitanyag og P200,000 reward mo­ney si Bohol governor Erico Aris Aumentado alang niadtong makahatag og inpormasyon sa boatman ug diving guide nga nagdala og guest sa Virgin Island sa Panglao, Lalawigan sa Bohol ang gikatahong misurender.

Nag-viral sa social media ang video nga gi-post diin nagpakita nga adunay gituohang Korean national nga ni-avail og snorkeling sa kadagatan sa Panglao, apan ni-vandalize sa table coral diha ilawom sa dagat pinaagi sa pagkulit og letra. Samtang ang babaye nga langyaw nga daw nag-vlog ang giingong mihikap sa corals.

Gipahinumdoman sa go­bernador ang publiko nga adunay balaod nga pa­­nalipdan ang kalikopan hi­nungdan nga iyang gipa­subay ang boatman ug di­ving guide kuyog sa maong turista.

Kasamtangan nga wa ibutyag ang identity sa maong boatman ug diving guide nga misurender, atol niining pagsuwat ug nagpadayon pa ang imbestigasyon. / DVG, FVQ