Bilang dagiti kandidato a nangipila iti kandidaturada iti Baguio City ken Benguet Province iti umuna nga aldaw, bassit pailaeng, sigun iti COMELEC
Ben Madilynn
BAGUIO CITY – Bassit dagiti kandidato a nangipila iti kandidaturada iti Baguio City ken probinsiya ti Benguet iti umuna nga aldaw a panangipila ti Certificate of Candidacy.
Iti siudad ti Baguio, kaunaan ni Atty. Nicasio Aliping a nangipila iti kandidaturana para iti kina-kongresista.
Simmaruno ni Councilor Peter Cariño Fianza a nangipila iti kandidaturana kas re-electionist iti kina-konsehal.
Iti met probinsiya ti Benguet, kaunaan ni Alexander Fianza a nangipila ti kandidaturana kas re-electionist iti kina-board member ti District 1.
Simmaruno ni Adam Yap, maysa nga independent candidate, para iti kina-kongresista.
Impetteng ni Adam Yap a saanda nga agkabagyan wenno saanda nga agam-ammo kenni incumbent Congressman Eric Go Yap.
Iti interview ti Bombo Radyo kenni Atty. John Paul Martin, Election Officer ti COMELEC-Baguio, nagpalagip daytoy kadagiti kandidato a saan a mabalin nga agturong dagitoy kadagiti filing venues nga ima-ima gapu ta masapol nga awitdan dagiti kaskenan a dokumento.
Sigun met kenni Atty. Elenita Capuyan, Provincial Election Supervisor ti COMELEC-Benguet, manamnama a manayon ti bilang dagiti kandidato iti sumarsaruno nga aldaw.
Agleppas ti panangipila ti kandidatura para iti 2025 midterm elections inton Oktobre 8, 2024.
