Basura nagbaha sa coastal area sa Brgy. Ermita

Basura gikan sa mga dapit nga maagian sa Guadalupe River nabanlas paingon sa dagat sa Barangay Ermita, Cebu City resulta sa kusog nga bunok sa uwan.

Mao kini ang talan-awon sa maong dapit niadtong sayo sa buntag, Sabado, Hunyo 7, 2025 diin tubig sa dagat natabunan sa nagkadaiyang matang sa basura.

Mga plastic, kahoy, styrofoam, ug uban pang sagbot ang natapok daplin sa suba, nga daw wala nay luna ang tubig nga motadlas paingon sa dagat kay barado sa basura ang baba-an sa Guadalupe River.

Nagpabilin pa gihapon ang suliran sa basura sa dakbayan nga kuwang sa solid waste management.

Sumala sa mga residente sa maong lugar, dili na kini unang higayon nga mahitabo, matag bundak sa uwan, sama sa nahitabo niadtong Hunyo 6, mag-abot ang basura nga gikan sa taas nga bahin sa syudad ug uban pang kasikbit nga lugar. / FVQ / Hulagway ni JUAN CARLO de VELA