Ben Madilynn
Bana nga mipusil-patay sa iyang asawa niadtong Dominggo, Septiyembre 22 ang suway nga naghikog pinaagi sa pagdunggab sa iyang tiyan nga giingong nagmahay sa iyang nahimo ngadto sa iyang kapikas.
Gibutyag ni Police Lieutenant Colonel Epream Paguyod, hepe sa Talisay City Police Station nga ang suspek nga si Rodino Francisco ang nadakpan sa sud sa Carcar District Hospital sa alas 2:30 hapon, Martes, Septiyembre 24.
Gi-alarma sa Alcoy Police Station ang maong suspek nga sakay sa bangka nga nagpautaw-utaw sa dagat sa maong lungsod kinsa gihulagway nga nagluya kay adunay samad sa tiyan.
Gikataho nga suway nga ni-eskapo si Francisco human nakahimo sa maong krimen sakay sa maong baruto.
Dali nga gidala sa Cebu Provincial Hospital ang si Francisco ilabi na sa kadaghang dugo nga miagas.
Samtang nagdagan ang ambulansiya diin adunay sakop sa polis, namay-ungan ang maong samaran nga maoy gipangita sa kapulisan sa Talisay City.
Gipahibawo gilayon ang Talisay City Police Station nga ang ilang gi-manhunt nga si Franciso, dad-unon sa ospital.
“Nag drag net man kami so alam na ng police sa Alcoy na yung tao na nagpalutang-lutang sa dagat siya yung hinanap natin kaya tumawag sila na nahuli na nila at dalhin sa hospital kase mahina na masyado kasi sa daming dugo na lumabas sa katawan,” matod ni Paguyod.
Gikatakdang ibalhin sa Don Vicente Sotto Memorial Medical Center si Francisco ug ipatuman ang hospital arrest.
Si Francisco maoy gitudlo nga responsable sa pagpatay sa iyang asawa nga si Ailyn Francisco, sa Barangay Tabunok, Talisay City, niadtong Septiyembre 22.
Matod ni Paguyod nga selos ang usa sa hinungdan sa krimen tungod kay iyang naaktuhan ang iyang asawa nga adunay karelasyon nga laing lalake.
Samtang nagkaon ang iyang asawa sa Barangay Tabunok iya kining gipusil-patay, dayon sibat.
Nagtrabaho isip personal drayber ang suspek sa usa ka prominente nga indibiduwal ug tagsa ra kini mag-ulian sa ilang balay sa Barangay Campo 7, Talisay, Sugbo. / AYB
