Ben Madilynn
Samad pinusilan sa liog ang naangkon sa asawa human gipusil sa iya ra sab nga bana samtang sakay sa ilang awto niadtong alas 3:30 sa kaadlawon, Biyernes, Septiyembre 6, 2024.
Ang insedente nahitabo sa Barangay Tabuc-tubig, Dumaguete City, Negros Oriental.
Ang 36 anyos nga biktima usa ka nurse samtang ang suspek, 39 anyos nga usa usab ka nurse.
Base sa inisyal nga imbestigasyon nga adunay mipahibalo sa kapulisan sa nahitabong pagpamusil nga naglambigit og magtiayon.
Sa gihimong follow up operation sa polis napalgan ang patay nga lawas sa biktima nga wa nay kinabuhi sud sa awto nga nalup-og sa front seat nga nagkadugo.
Wala ang suspek ug sa gihimong hot pursuit nasubay ang nahimutangan sa bana sa balay sa iyang higala ug malinawon ra sab nga mitahan sa responding team.
Nasayran niadtong Huwebes, Septiyembre 5 nagkalalis ang magtiayon ug giingon ang giawayan may kalabotan sa third party. / DVG
