Mario Bautista
Ikagkagumaan ti Department of Agriculture a papartaken ti panagbakuna kontra iti African Swine Fever wenno ASF, kasaruno ti nairekord a nangato nga antibody manipud kadagiti immuna a baboy a nabakunaan idiay Lobo, Batangas.
Kasta met ti panawagan ti grupo dagiti agtartaraken iti baboy a maaddaan iti emergency use authorization (EUA) para iti bakuna kontra ASF.
Segun ken ni DA Asec for Swine and Poultry Constante Palabrica, aminadoda a nabuntog pay laeng ti proseso ti panagbakuna gapu ta awan pay 1,000 a baboy ti nabakunaan.
Ad-adalen itan ti DA ti panagbalbaliw ti estratehia tapno mapapartak ti proseso ti panagbakuna.
Karaman ditoy ti panagbakuna kadagiti dadakkel piggery farms.
Immunan a kinuna ti DA a planoda nga aramiden a commercially available ti bakuna kontra ASF sakbay nga agleppas ti 2024.
