Anomalya iti Comelec, paim-imbestigar ni dati a Congressman Egay Erice iti Kamara de representantes
abyasa
LAOAG CITY – Nangipakita ni dati a Caloocan City 2nd District Rep.Egay Erice ti sumagmamano a dokumento a mangipaneknek a binaybay-an ti Commission on Election (Comelec) a naluko iti sinerrek da a kontrata iti Miru System.
Inaramid daytoy ni Erice iti kangitngitan ti panagpila ti Certificate of Candidacy para iti 2025 national and local elections iti Manila Hotel Tent City,
Nadiskubre ni Erice nga adda iti sabali a nagan ti local service provider a St. Timothy Construction Corporation a karaman iti joint venture ti Miru.
Inpetteng ni Erice nga iti pannakiraman paylaeng ti Miru System iti bidding ket panangloko daytoyen ngem maipagarop a binaybay-an laeng ti Commission on Election.
Inlawlawag pay ti dati nga agpanpanday linteg a pinag-withdraw ni Commission on Election Chairman George Garcia ti local provider tapno saanen a masirip pay daytoy kangrunaan na ket rumrumuar a dummy laeng ti St. Timothy ti sabali a kompaniya.
Gapu iti daytoy, nakasagana ni Erice a mangipila ti impeachment kontra ken ni Garcia no sadinno a nagpanawagan iti Kongreso nga imbestigaren ti anomalya iti sistema ti Commission on Election.
Innayon ni Erice a mangipasa ti nayun a manifestation iti Korte Suprema tapno allukuyen dagiti mahistrado no apay a kasapulan a kanselaren ti kontrata.
