Ben Madilynn
Pinatunayan ng Sparkle artist na si Allen Ansay na hindi pa rin nawawala ang makalumang paraan ng panliligaw sa babae.
Ayon sa 21-year-old Next Gen Leading Man, hindi raw niya idadaan sa mabilisan ang ka-loveteam na si Sofia Pablo para maging girlfriend niya kahit na 18 years old na ito.
Kung paano siya manligaw, gusto pa rin niya yung pupunta siya sa bahay ng dalaga at magdadala ng flowers.
At handa raw siyang maghintay kung kailan siya sasagutin ni Sofia.
“Gusto ko po yung traditional way sa pagligaw. Yung pupuntahan po yung babae sa bahay at magdadala ka ng bulaklak. Yun ang natutunan ko sa probinsya namin.
“Kung hanggang kelan puwede, maghihintay po ako.
“Kung sasabihin na ni Sofia na pwede na, game po ako,” ani Allen sa naganap na mediacon para sa GMA Afternoon Prime serye na Prinsesa Ng City Jail noong January 7, 2025, sa Studio 7 ng GMA Annex Building.
Marami ang nagsabi na baka mapagod ito sa paghintay kay Sofia at maghanap ito ng iba.
Pero sagot ni Allen ay: “Siyempre po, 100%, siya lang!”
Sofia appreciates Allen’s genuine care
Nagpapasalamat naman si Sofia sa genuine care na ipinapadama ni Allen sa kanya kahit na wala pa silang relasyon.
“Masaya and masarap talaga sa pakiramdam at sa puso na may taong nandiyan para alagaan ka.
“Alam mo na may taong nandiyan lagi para makinig sa ‘yo, suportahan ka. Thankful ako na sobrang genuine ng care niya, pati sa mommy ko.
“Lalo po sa work naming dalawa na magkasama kami, kapag napapagod ako, nandiyan lang si Allen para iabot yung water ko, para pakainin ako.
“Minsan po kasi, pasaway po ako sa work. Mayroon po akong ugali na kapag tuluy-tuloy ang trabaho, hindi ako kumakain. Sasabihin ko sa kanya, ‘Hindi ako gutom.’ Nagagalit siya sa akin at isusumbong daw niya ako kay Mommy,” sabay tawa ni Sofia.
Appreciated din ng Next Gen Leading Lady ang paraan ng panliligaw ni Allen sa kanya. Hindi raw ito nakikiuso sa ligawan on social media.
“Hindi ko rin po gusto yung dinadaan sa text messaging yung panliligaw. Hindi porke’t okey kayo, kayo na. Ayoko po ng gano’n.
“I appreciate the effort na ginagawa ni Allen. It will make any girl special po sa ganung klaseng pagligaw.”
Importante kay Allen na yung nabuo nila ni Sofia na teamwork mula pa noong pandemic ay malakas pa rin at nagbibigay sila ng saya sa fans and followers ng Team Jolly.
“Yung relatonship namin together, sobrang comfortable na kami sa isa’t isa. ‘Pag may kilig na ekena mas madali na.”
new Marvin and Jolina?
Naalala nga raw ng kanilang direktor na si Jerry Lopez Sineneng sa Team Jolly ang ’90s hit loveteam noon nina Marvin Agustin at Jolina Magdangal.
Halos pareho raw sa Marvin-Jolina yung drive, passion, energy, professionalism, at kilig na nakikita niya sa performance nina Sofia at Allen.
Sobrang thankful si Sofia dahil na-guide sila ni Direk Jerry sa first mature drama series nila ni Allen.
“It’s new for us, hindi kami sanay na nag-iiyakan nang magkaharapan. Sanay kami ni Allen na parang very rom-com, kilig.
“And with the help of Direk Jerry, talagang nilinaw niya sa amin kung ano yung gusto niyang makita, kung ano yung gusto niyang maramdaman ng audience, kung ano yung dapat namin mailabas.
“It’s a very nice project and we couldn’t have asked for more to have Direk Jerry as our director.”
Para kay Allen, marami siyang natutunan kay Direk Jerry lalo na sa mga mabibigat na eksena na first time nilang gawin ni Sofia.
“Very thankful po ako kay Direk kasi talagang pinush po talaga niya kami rito, lalo na po ako kasi ito yung first talaga na sasabak ako sa heavy drama and yung character ko rito ibang-iba po sa mga ginawa namin before.
“Sobrang dami kong natutunan kay Direk sa show po na ito and talagang thankful po ako sa kanya kasi nagawa po namin nang maganda yun.”
Sa January 13 na ang world premiere ng Prinsesa Ng City Jail sa GMA Afternoon Prime. Kasama rin sa cast sina Beauty Gonzalez, Keempee de Leon, Dominic Ochoa, Denise Laurel, Lauren King, Pauline Mendoza, Radson Flores, Ina Feleo, Ayen Munji-Laurel, Jean Saburit, Sienna Stevens, at Will Ashley.
