Ben Madilynn
Isang madamdaming mensahe ang ibinahagi ni Aljur Abrenica para sa kasintahang si AJ Raval sa Instagram kahapon, October 4, 2024.
Wala namang masasabing espesyal na okasyon dahil dumaan na ang kanilang anibersaryo.
Noong Setyembre 3 pa nagdiwang ng ika-24 kaarawan ang Vivamax star.
Sa mensahe, nagpapasalamat si Aljur sa girlfriend dahil sa pagtanggap nito sa kanya sa buhay nito.
Hindi rin daw matatawaran ang “unconditional love” ni AJ sa kanya.
May saliw ng kantang “Beautiful Things” ng American singer at songwriter na si Benson Boone ang post.
Buong mensahe niya, “Thank you for embracing every part of me. Your unconditional love reminds me every day that being myself is enough.
“I’m so grateful to have you by my side, celebrating our beautiful journey together”
May mga netizens namang nagsasabing baka iwanan din ni Aljur si AJ, katulad ng pag-iwan nito sa asawang si Kylie Padilla at sa dalawa nilang anak.
May mga nagtanggol din naman sa dalawa.
AJ RAVAL CONFIDENT IN HER RELATIONSHIP WITH ALJUR ABRENICA
Nitong nakaraang August 29, 2024, sa panayam ni AJ sa YouTube vlog ni Julius Babao, kumpiyansa ang aktres na hindi siya lolokohin at iiwanan ng boyfriend na si Aljur.
Dahil sa nakaraan ng kanilang pamilya, naitanong ni Julius kay AJ kung ano ang kanyang mararamdaman kung sakaling mangyari ito sa relasyon nila ni Aljur.
Tinatayang labinwalo (18) ang anak ng ama ni AJ na si Jeric Raval sa iba’t ibang babae.
Tanong ni Julius, “Paano kung si Aljur, e, ganun din ang gawin, sa ginawa ng tatay mo? Paano kung mabalitaan mo si Aljur may ano [ibang babae]?”
Ayon kay AJ, kung sakali man mangyari ito ay wala siyang ibang sisisihin kundi ang kanyang sarili.
Aniya, “Siguro kung dumating sa point na ganun, siguro sisisihin ko yung sarili ko.
“Siyempre… kung naging maayos ba akong partner, naging ano ba ako, nagger, nasuportahan ko ba siya noong time na down siya?”
Ganunpaman, tiwala raw si AJ na hindi siya kayang saktan at ipagpalit ni Aljur dahil nakikita at nararamdaman daw niyang mahal na mahal siya nito.
Aniya pa, “Pero ngayon, confident ako na hindi niya gagawin sa akin yun, kasi maganda yung dynamics namin ngayon, e.”
