abyasa
LAOAG CITY – Maminsan manen nga agpaidasig iti kina-Mayor idiay Bamban, Tarlac ni Alice Guo.
Kinumpirmaran ti abugadona a ni Atty. Stephen David ti plano ti klientena a mangipila ti Certificate of Candidacy para inton 2025 elections.
Isagsaganan ti kampona dagiti kasapulan a dokumento.
Inpetteng ni David, kalikagumda a dagiti umili idiay Bamban ti agdesision no kayatda pay laeng isuna.
Immunan nga inbatad ti Commission on Election (COMELEC) a palubusanda nga agipila ti Certificate of Candidacy ni Guo.
Maipalagip a pinadisi ti Office of the Ombudsman ni Guo iti kina-Mayor idi Agosto gapu iti grave abuse of discretion nga adda ti pakainaiganna iti operasion ti Philippine Offshore Gaming Operator wenno POGO hub idiay Tarlac.
