Alice Guo ken dagiti kakadua na, naglibas ditoy pagilian babaen iti eroplano – Bureau of Immigration
Ben Madilynn
Agparparang a saan a nagusar ni dismissed Bamban Mayor Alice Guo ken dagiti kakaduana iti barko tapno makalibas ditoy Pilipinas.
Kabayatan ti pannakadengngeg ti Senate Committee on Women and Children, kinuna ni Bureau of Immigration Commissioner Joel Anthony Viado, maibasar iti umuna a konklusionda, simrek ni Guo idiay Malaysia babaen iti eroplano idi Hulio 18.
Maisupadi iti umuna a salaysaly da Alice ken Shiela Guo iti napalabas nga imbestigasion a naglibas da babaen ti panangusar iti bangka.
Segun kenni Viado, maibasar daitoy iti kumpirmasyon iti aktual nga entry ni Guo idiay Kuala Lumpur, Malaysia.
Kinunana nga awan ti rekord ni Alice a simrek daitoy idiay Sabah idi Hulio 19.
