Aktibidad ti China Coast Guard iti West Philippine Sea, saan a rumbeng nga ikankano – Pres. Marcos
abyasa
LAOAG CITY – Saan a rumbeng nga ikankano dagiti illegal nga aktibidad iti West Philippine Sea (WPS) ken rumbeng a maipakaten dagiti umannatop nga addang kas sungbat iti agtultuloy a kinaranggas ti China Coast Guard (CCG)
Iti maika-19 a East Asia Summit, inlanad ni Presidente Ferdinand R. Marcos Jr. dagiti handicrafts a napadasan ken ti agtultuloy a tension iti West Philippine Sea.
Patien ti Presidente a ti sitwasyon iti West Philippine Sea ket maysa nga strategic challenge a saan a dagus a marisut.
Ngem nu pay kasta saanna nga i-tolerate dagiti harassment nga araramiden ti China Coast Guard kadagiti mangalap a Pilipino.
Karaman ditoy ti panang-harass iti rotation and reprovisioning wenno RORE mission ti pagilyan, iti laksid nga adda da iti uneg ti Exclusive Economic Zone (EEZ) ti Pilipinas.
Agraman ditoy ti panagusar ti water cannon ti Chinese Coast Guard (CCG) ken ti panangdungparna kadagiti barko ti Pilipinas, a nagresulta iti pannakadadael dagiti sanikua ti pagilian.
Kinuna ti Presidente, dagitoy nga insidente ket mangipakita laeng iti kinakurang ti panagraem iti internasional a linteg ken pagalagadan, nangruna iti 1982 United Nations Convention on the Law of the Sea wenno UNCLOS ken ti 1972 Convention on the International Regulations for Preventing Collisions at Sea (COLREGS).
Gapu iti daytoy, kinunana a nasken a maipinal iti kabiitan a panawen ti Code of Conduct (COC) para iti West Philippine Sea.
