abyasa
LAOAG CITY – Natay dagiti aguliteg idinto a naisalakan dagiti tallo pay a kakadwa da kalpasan a nalmes dagitoy iti baybay a paset ti Barangay Naglicuan iti ili ti Pasuquin.
Nabigbig dagiti pimmusay nga isuda Willie Calpo, agtawen ti 47, residente iti Barangay Carusipan iti ili ti Pasuquin ken ti kaanakan na a ni Irish dela Cruz, agtawen ti 19, taga Barangay Taluyan, Malasiqui, Pangasinan.
Kabayatanna, nabigbig met dagiti naisalakan nga isuda Lorraine dela Cruz, agtawen ti 14; Grace dela Cruz, agtawen ti 18; agpada a residente iti Barangay Malasiqui iti Pangasinan ken ni Amaya Bulosan, agtawen ti 12, taga Barangay Carusipan iti ili ti Pasuquin.
Iti inisyal nga imbestigasyon ti Philippine National Police, immuna a napan nagdigus da Grace ken Amaya ngem gapu iti kinadawel ti dalluyon ket naipatengnga dagitoy rason nga idi nakita da Willie, Calpo ken Lorraine ket insigida da a timmapog iti baybay tapno mapan da isalakan dagitoy.
Naamoan nga idi makita dagiti residente ti mapaspasamak ket nagtitinnulong dagitoy a napan nangisalakan kadagiti biktima ngem da laeng Lorraine, Grace ken Amaya ti ballaigi a naisalakan da.
Naideklarar met da Willy ken Irish a pimmusayen babaen ti attending Physician a ni Doctor Diopantos Acop.
