![](https://trend.slink.ph/wp-content/uploads/sites/11/2024/07/REPEAT-PREGNANCY-266x150.jpg)
Agtawen iti 13 agingga 15, nakapasar ti repeat pregnancy
![](https://img.bomboradyo.com/laoag/2024/07/REPEAT-PREGNANCY.jpg)
LAOAG CITY – Nairekord ti Commission on Population and Development (CPD) ti sumurok 22 a ribu a babbai nga agtawen iti 13 agingga 15 ti nakapasar ti paulit-ulit a panagsikog wenno repeat pregnancy.
Nupay nagbalin a rason ti pandemia gubuay iti COVID-19 iti panagadu dagiti kaso ti nasapa a panagsikog, inpetteng met ti Commission on Population and Development ti papel ti kultura kadagiti komunidad.
Basar iti Commission on Population and Development, posible a senyales ti panagabuso ti dakkel a nagbaetan ti tawen iti maysa nga ubing a babai ken ti nakasikog kenkuana.
Gapu iti daytoy, nagpanawagan ni Sen. Win Gatchalian a naiget nga ipatungpal dagiti linteg a gagem a protektaran dagiti ubbing a babbai manipud iti panagabuso wenno kinaranggas.
Maysa ditoyen ti Republic Act No. 11596 a mangipawil iti child marriages no sadino ti maysa wenno nasursurok pay kadagiti nakikallaysa a menor de edad.
Maipapaayan met ti proteksion ti linteg dagiti agtawen iti 18 ken agpangato nga awan ti kabaelanda a taripatoen wenno protektaran dagiti bukudda a bagi iti pisikal wenno mental a kasasaad.
Maipawil pay iti nasao a linteg ti panagdenna ti maysa nga ubing ken nataengan a saan pay a nagkasar. Inpangato met ti Republic Act No. 11648 ti age of sexual consent manipud iti 12 agingga iti 16.