Aggatad iti P12 million a fully grown marijuana plants, balligi a nadiskubre idiay Barangay Loccong, Tinglayan, Kalinga
Ben Madilynn
Balligi a nadiskubre ti aggatad iti agarup P12 million a fully grown marijuana plants bayat ti naipatungpal a marijuana eradication idiay Barangay Loccong, Tinglayan, Kalinga.
Naballigi ti nasao nga operasyon babaen iti nagtipon a pwersa dagiti operatiba manipud iti Tinglayan Municipal Police Station ken dadduma pay a yunit sadiay.
Nagresulta ti operasyon iti pannakadiskubre ti maysa a plantasyon ti nasao a mula iti maysa a communal forest a namulaan iti 60,000 a pidaso ti fully grown marijuana plants.
Nupay kasta, awan ti natiliwan a cultivator wenno nagmula.
Dagus met a pinarut ken inuram daytoy dagiti otoridad iti metlaeng nasao a lugar.
