Agarup 300 a balod, nakalibas idiay Nigeria gapu iti panaglayos
LAOAG CITY – Nakalibas dagiti 281 a balod gapu iti nalawa a panaglayos idiay Northeastern Nigeria.
Segun ken ni Umar Abubakar, pannakangiwat ti Nigeria Correctional Service a naarestarda dagiti pito kadagupan kadagiti amin a naglibas a balod.
Ginundawayan dagiti balod kalpasan a narpuog ti pader ti correctional facilities gapu iti nakaro a layos iti lugar.
Nadadael met ti Medium Security Custodial Center ken pakairamanan dagiti staff quarters ti siudad.
Agtultuloy a maiwaywayat ti panangarestar dagiti otoridad kadagiti naglibas a balod.
Kabayatanna, gapu iti sumagmamano nga aldaw nga awan ti sardeng ti mapaspasaran a panagtudo ket nangitunda ti nakaro a panaglayos no sadinno addan ti nasurok 30 nga indibidual ti pimmusay.