Ben Madilynn
Tulad ni dating Department of Budget and Management (DBM) Undersecretary Lloyd Christopher Lao, nagpiyansa rin ang dating health chief ng bansa para sa mga kasong paglabag sa anti-graft law.
Sinabi ni dating Department of Health Secretary Francisco Duque III na agad siyang naglagak ng piyansa noong Setyembre 4 pagkatapos malaman ang pagsasampa ng kaso sa Sandiganbayan laban sa kanya.
Sina Duque at Lao ay inimbestigahan dahil sa umano’y iregularidad kasunod ng paglilipat ng DOH ng ₱41 bilyon sa Procurement Services ng DBM para makabili ng kinakailangang supplies sa panahon ng pagsisimula ng COVID-19 pandemic.
Nilinaw din noon ni Duque na kailangan ang pagkuha ng mga serbisyo ng PS-DBM sa pagbili ng mga medical supplies tulad ng face shield at face mask dahil nahaharap ang bansa sa isang health emergency.
#PilipinasToday
#DOH
#WannaFactPH
