Ben Madilynn
Dear Papa Joe,
Ako diay si Miss Virgo, 25 years old ug usa ka single Mom. Nagtrabaho ko karon sa BPO company. Ang akong anak kay 2 years old na ug ang papa ani namatay sa disgrasya sa motor.
Sa tinuod lang wa man ko magkalisud kay naa man koy negosyo nga gihatag sa akong papa nga usa ka water refilling station ug maayo man og kita.
Di man nato mapugngan nga mahigugma pag-usab ug nahimamat naku ning usa ka lalaki nga kauban ra sad nako sa trabaho ug tawagon lang nato siya og Leo.
Wa ni siyay nahibaw-an kaayo nako gawas lang sa akong pagka single mom kay di pako kampanti niya pero iya nako gidala sa ila ug didto nagkalamat among relasyon kay nitug-an man ni sa iyang mama nga single mom ko ug harap-harapan ko niya gi-down nga mura’g akong uyab mao buhaton nakong salvador del mundo.
Kanang ingnon iyang anak sa akong atubangan nga kadaghan pa daw’ng daga, pero nagpadayon lang gihapon mi kay love namo ang usa’g usa.
Dayon niabot ang time nga nakabisita na akong uyab sa amo ug nikuyog gyud iyang mama niya ug pagkakita niya sa gawas sa among gate akong negosyo ug nakita niya ang balay sa akong parents nausab na siya, pero ako nahiubos pa niya. Unsay buhaton ko? Tambagi ko.
VIRGO
Virgo,
Paet nga sitwasyon apan sabta lang, ang importante na-prove nimo niya nga sayop siya ug kaya nimo buhion imong anak.
Makasabot ra sad ka og maginikanan ka sad puhon kay di man sad ta kasigurado sa mapares sa atong mga anak ug naa gyud ang panagana nga di ba maabusahan atong anak.
Ang kuyaw ug mangayo nimo o manghuwam ug dinagko unya di bayaran, kana maoy kuyaw, pero kung wala ra, deep inside nakasabot nana siya nga sayop siya sa iyang pag judge nimo.
Importante nagkahinigugmaay mo sa imong uyab. Di nato matag-an ang kinabuhi. Pwede gikan sa bati monindot o vice versa.
Papa Joe
(Sa inyong tampo
ipadala lang sa papajoesuperb@gmail.com)
