Mario Bautista
Imbilin ni President Ferdinand Marcos Jr. a pagtalinaeden ti presensya iti pagilian idiay Escoda Shoal kasaruno iti panagsubli ti BRP Teresa Magbanua idiay Palawan kalpasan iti makabulan a panagpatrolya idiay Escoda.
Segun ken ni National Maritime Council Spokesman Vice Admiral Alexander Lopez, imbilin ni Marcos a pagtalinaeden ti strategic presence idiay Escoda Shoal.
Binilinna pay iti Philippine Coast Guard a mangipatulod iti barko nga agbantay idiay Escoda Shoal ta masimpa pay ti BRP Teresa Magbanua.
Sinigurado ni Lopez a kabaelan iti pagilian a bantayan iti nalawa nga Escoda Shoal.
Malaksid iti barko iti Coast Guard ket agbantay idiay Escoda dagiti asset iti Armed Forces of the Philippines ken maisayangkat ti air patrols tapno ma-detect ken maliklikan iti aniaman nga aktibidad iti lugar.
