Mario Bautista
Binabalaw ni ACT Teachers Partylist Rep. France Castro iti nagarbo a birthday party ni President Ferdinand Marcos Jr. ta nagperform ti English pop rock a Duran Duran.
Segun ken ni Castro, uray ibaga dagiti gagayyem ni President Marcos iti naggastos iti nagarbo nga okasyon iti maysa a hotel idiay Pasay City ket saan latta a husto.
Nupay immunan a nagpalawag iti Malakanyang nga awan ti pondo iti gobierno iti nagastos iti panagkasangay ni President Marcos ket impaganetget ni Castro a saan a nasayaat iti impakita ti kangatoan a lider iti pagilian.
Immapela ni Castro ken ni Pres. Marcos ken dadduma pay nga opisyal iti gobierno nga agipakita iti okasyon iti pudno nga espiritu iti public service.
