VM Fariñas, kalikagumna nga adda ti pasdek a pakaikabilan ti pasilidad dagiti water lily weavers iti Brgy. Caaoacan ditoy siudad ti Laoag
abyasa
LAOAG CITY – Kalikagum ni Vice Mayor Rey Carlos Fariñas nga adda ti pasdek a pakaikabilan ti pasilidad dagiti water lily weavers iti Brgy. Caaoacan ditoy siudad ti Laoag.
Segun kenkuana, daytoy ket kalpasan a nakitana ti naurnos ken napintas iti production building dagiti bamboo products iti Brgy. Balatong a pormal a nalukatan iti kallabes.
Inbatadna a babaen iti daytoy ket maibilang a nayon nga atraksion para kadagiti bisita ken turista ditoy siudad.
Kabayatanna, inrekomendar ni Vice Mayor Fariñas daytoy a banag ken ni Sangguniang Panlungsod Member Handy Lao kas Chairman ti Committee on Tourism ditoy siudad ti Laoag.
