Mario Bautista
Inkari ni Prime Minister Benjamin Netanyahu nga agibalesda wenno impasigurado na ti “heavy price” kadagiti Iran-aligned Houthis a mangkonkontrol iti amianan a Yemen, kalpasan a nadanon ti missile nga inpabantoda iti umuna a gundaway iti central Israel.
Segun kenni Houthi military spokesman Yahya Sarea, ti inpabantoda ket ti baro a hypersonic ballistic missile a kabaelanna a danunen iti 2,040 km iti las-ud laeng ti 11 ½ minutes.
Kabayatanna, kinuna ti Israeli military official a ti missile ket natamaan ti interceptor ken nabingaybingay iti tangatang, imbes a nadadael.
Naguni dagiti sirens idiay Tel Aviv ken idiay Central Israel sakbay a timmama ti missile iti 6:35 AM, isu a nabilin dagiti umili a mapan kadagiti pagkamangan da.
Nagdisso dagiti piraso ti missile kadagiti talon ket iti asideg ti maysa a railway station.
Kabayatanna, awan ti direct casualties, ngem adda siam a tattao ti nadundunor bayat nga agsapsapulda iti paglemmenganda.
