Punch Xiumin bring K-lig vibes Pinoy fans at Korea Travel Fiesta

Dumagundong ang Glorietta Activity Center sa Makati City last Saturday, September 7, dahil sa libu-libong KPop fans na dumayo para sa first day ng Korea Travel Fiesta.

Sa naturang event kasi ay featured ang dalawang sikat na Korean artists na sina Punch at Xiumin.

Present ang veteran KPop artists para mag-perform at hikayatin ang kanilang mga tagahanga na bumisita sa kanilang bansa this winter season.

PUNCH TALKS ABOUT HER FAVE PINOY FOODS, SCENIC SPOTS

Naunang nagpasaya sa kanyang mga fans si Punch, na kilala sa Korea dahil sa pagkanta niya ng mga OST ng mga sikat na KDrama, tulad ng Pinocchio at Hotel del Luna.

Sobrang lakas ng cheers ng mga manonood ng awitin ni Punch ang “Everytime” na theme song ng Descendants of the Sun.

Sa pagbati ni Punch sa audience, sinabi nitong paborito niya ang Pilipinas dahil sa hobby niya na free diving.

“Actually have some experiences different countries and I have visited the Philippines the most because one of my hobbies is free diving. As you know, there are a lot of beautiful Islands I can visit and true free diving. So I visit the Philippines for that purpose,” saad niya.

Sinabi rin ng 31-year-old singer na paborito niya ang Philippine mango.

XIUMIN SENDS PINOY K-POP FANS INto SCREAMING FRENZY

Mas malakas naman ang naging hiyawan nang bumati si Xiumin sa mga fans.

Bago siya nag-perform ay may interview portion muna with the event host Ai dela Cruz. Dito ay nagbigay ang EXO member ng mga itinerary patungo sa mga paborito niyang destinasyon sa South Korea.

Matapos nito ay tinanghal niya ang kanyang mga hits tulad ng “Feedback” at “Brand New.”

Sa banter niya with fans ay ikinuwento niya ang experience niya sa isang sikat na Pinoy fastfood chain.

Biro pa niya, ire-recommend niya ito sa kanyang Filipino fans.

“Do you guys know Jollibee? How do you guys know? I’m the only one who knows about it, so I am recommending it to you guys. Yes of course you know because it’s from the Philippines. I will recommend Jollibee in Korea,” saad ng 34-year-old singer.

Sigaw naman ng fans, dapat daw ay i-try niya ang bulalo.

“I guess I want to try bulalo. Is it tasty? Is it delicious? Can you guys cook it for me?” sagot ni Xiumin.

WOLF’LO, CHEF, MELAI CANTIVEROS, RUNNING MAN PH CAST ALSO SPOTTED AT KOREA TRAVEL FIESTA

Marami pang Korean artists ang nag-perform sa opening ng Korea Travel Fiesta.

Kasama rin ang comedy musical group na Chef, na nagpatawa at nagpabilib sa audience.

Medyo mahaba-haba ang kanilang nakatutuwang performance na meron pang audience participation. Isa sa mga nahila nila from the audience ay si Gabby Eigenmann, na kasamang nagpatawa sa isang skit.

Nag-perform din ang all-female dance group na Wolf’Lo. Bukod sa isang energetic performance ay nagturo rin sila ng ilang dance steps sa mga audience.

May mga Pinoy celebrities din na umakyat sa entablado para sa Korea Travel Fiesta.

Kasama na rito ang tatlo sa mga cast ng Running Man Philippines na sina Kokoy de Santos, Glaiza de Castro at Buboy Villar. Kinuwento nila ang experience nila sa pag-record ng kanilang hit reality show sa South Korea habang nasa winter season.

Kuwento ni Buboy, sobrang lamig daw ng hangin sa Korea kapag winter. Nakakaubos pa nga raw sila ng 30 heat packs bawat araw para malampasan ang lamig.

Nasa Korea Travel Fiesta ang mag-asawang sina Melai Cantiveros at Jason Francisco, kasama ang kanilang mga anak na sila Mela at Stela.

Matatandaan na noong May 2024 ay in-appoint ng Korea Tourism Organization (KTO) si Melai bilang honorary ambassador for Korea Family Tourism.

Ikinuwento ng komedyana sa audience ang experience niya at ng kanyang pamilya sa pamamasyal sa Korea.

Ang Korean Travel Fiesta ay ang two-day exhibit event ng KTO para hikayatin ang Filipino tourists na bumisita sa naturang East Asian nation. Bukod sa live performances ay may mga booth featuring Korean culture.

Nagtapos ang Korean Travel Fiesta kahapon, September 8, with a performance from Maki. Kinanta ng Filipino artist ang hit song niya na “Dilaw.”