Government employee nga agserserbi iti sangapulo a tawen agpangato, mabalin a ma-regular babaen iti Civil Service Eligibility Preference Rating
Mario Bautista
Mabalinen nga ag-regular dagiti kameng ti gobierno nga adda sangapulo a tawenna agpangato iti serbisyo ngem saan pay a permanente ti status-na.
Segun ken ni Civil Service Chairperson Karlo Nograles, dayta ket babaen iti Civil Service Eligibility Preference Rating a maikkan iti plus ten pts dagiti government employees a sangapulo a tawennan iti serbisyo uray no saan pay a nakapasa iti Civil Service exam.
Nupay kasta, kasapulan latta a mangala dagitoy iti Civil Service exam ngem mabalinen a saan nga umabot iti 80 percent passing grade.
Kayatna a sawen, dagiti makaala iti 70 agingga 79 percent ket maibilang a pasadon gapu iti plus ten points ti minimum 10 year requirement iti government service.
Innayon ni Nograles nga ikonkonsiderarda ti kapadasan dagiti kameng ti gobierno gapu iti kapaot ti panagserbida iti gobierno.
