Mario Bautista
Narugian ita nga aldaw ken agpatingga inton bigat ti Firearms Proficiency Challenge 2024 idiay Barangay Turod, Cabugao nga indaulwan ti Ilocos Sur Police Provincial Office.
Ti aktibidad ket nakipasetan dagiti kapulisan iti intero a probinsia ket silulukat pay para kadagiti amin a gun enthusiast.
Iti pannaki-uman ti Bombo Radyo Vigan ken ni Provincial Director Police Colonel Darnell Dulnuan, gagem ti aktibidad a maasa ti kabaelan dagiti pannakabagi ti linteg no kasano ti agiggem iti igam.
Innayonna a napateg a makita ti publiko nga ammo dagiti pannakabagi ti linteg ken dadduma pay a law enforcement agency no kasano ti responsable a panagaramat iti paltog.
