Mario Bautista
Maysa a lalaki ti nadunor gapu iti napasamak a pammagkong idiay Barangay Nangalisan, Sta. Lucia, Ilocos Sur.
Nabigbig ti biktima a ni Renato Orine Callejo, agtawen iti limapulo ket siam, agnaed iti nasao a lugar.
Ti met suspek a kalugaran ti biktima ket ni Bracquin Fabro Aragon, agtawen iti innem a pulo ket maysa.
Naireoport ti pasamak iti Sta. Lucia Police Station ket dagus a tinurong dagiti pannakabagi ti linteg ti lugar.
Naiturn over ti suspek ken ti 12.7 inches a kutsilya nga inusarna kadagiti pannakabagi ti linteg babaen ken ni Barangay Kagawad Erwin Habon.
Sakbay ti pasamak, agin-inom ti biktima ken ti suspek kadua dagiti gagayyemda iti paraangan ni Barangay Captain Philip Valdez idi bigla nga adda saan a nagkinnaawatan ti biktima ken suspek a puon ti nangbagkongan ti suspek iti biktima.
Nagsagaba iti dunor ti tyan ken akin-kannigid a takyagna gapu iti pammagkong ti biktima a naipaagas iti ospital para iti naan-anay a pannatamingna.
