Ben Madilynn
Gipaabot nga mokusog ang tropical storm Bebinca (international name) ug mahimong bug-os nga bagyo sa pagsulod sa Philippine area of responsibility (PAR) karong Biyernes sa hapon o gabii, Septiyembre 13, apan mogawas dayon sa a PAR sa Sabado sa buntag, Septiyembre 14, 2024.
Sa tibuok forecast, kining tropical cyclone magpabilin nga layo sa Philippine landmass, sumala sa Pagasa weather bureau.
Katapusang naobserbahan ang bagyong Bebinca sa gilay-on nga 1,825 kilometros amihanan-sidlakan sa Eastern Visayas o 1,955 kilometros silangan sa Southeastern Luzon.
Adunay kini hangin nga moabot sa 85 kilometros matag oras ug paghuros nga moabot ngadto sa 105 kilometros matag oras.
Sa pagsulod niya sa PAR, ginganlan siya og Ferdie.
Tungod sa maong bagyo, makapalig-on na usab kini sa southwest monsoon o habagat nga magdala og kusog nga ulan sa Bicol Region, MIMAROPA, Visayas, ug amihanang kasadpang bahin sa Mindanao. / RRM
