50K, naipaay ken ni Ms. Galacgac kalpasan a nag-Top 1 iti 2024 Food Technologist Licensure Examination
abyasa
LAOAG CITY – Naikkan ti 50,000 pesos ni Ms. Dee Vanna Galacgac iti ili ti Pinili kalpasan a nag-Top 1 iti 2024 Food Technologist Licensure examination.
Daytoy ti inpkaammu ni Vice Mayor Maynard Francis Bumanglag, no sadinno nga ibilang da ti balligi ni Galacgac a balligi met iti ili da.
Segun ken Bumanglag, adda ti inpasa da nga ordinansa a mangiyeg ti insentibo kadagiti makastrek iti top 10 iti aniaman a Licensure examination, ken ni Galacgac ti umuna a recipient ti nasao nga ordinansa.
Ti 50,000 pesos a cash insentive ket inyawat a mismo ni Mayor Rommel Labasan iti ili ti Pinili kabayatan ti flag ceremony.
Inlawlawag pay ni Bumanglag a karaman pay kadagiti maikkan iti insentibo ket dagiti sumrek iti top 5 iti tay-ak ti ay-ayam.
