Bar exams, nangrugin ita nga aldaw

Mario Bautista September 8, 2024

Nangrugin ita nga aldaw ti 2024 Bar Examinations ken maituloy iti Setyembre 11 ken 15.

Umabot iti pakabuklan a 12,246 a law graduates ti nagparehistro tapno mangala iti tallo nga aldaw nga exam a maisayangkat kadagiti sangapulo ket tallo a testing center iti pagilian.

Sipud pay idi rabii ket naipatungpalen ti liquor ban iti aglawlaw dagiti testing center.

Naipasarra pay met dagiti sumagmamano a kalsada iti Metro Manila nga agpaot agingga alas syete iti rabii.

Innem a core subjects ti bar exam a pakairamanan ti Political and Public International Law, Commercial and Taxation Laws, Civil Law, Labor Law and Social Legislation, Criminal Law, Remedial Law, at Legal and Judicial Ethics with Practical Exercises.

Maisayangkat ti Bar Exams babaen iti Examplify, maysa a secured computer based program a naka-download ken naka-install iti laptop ti examinee.

Saan met a maipalubos iti uneg ti panagaramat ti smartphone, tablet, computer accessories ken dadduma pay a device.